Боздиди донишҷӯёни ДДХ аз «Бешаи палангон»

Октябрь 21, 2014 09:26

 
Душанбе, 21.10.2014. (АМИТ «Ховар», Раъно Нусратуллозода).- Аз 20 то 25 октябри соли равон таҷрибаомӯзии таълимии минтақавии табиию иқтисодӣ ва сайёҳии 16 нафар донишҷӯи курси сеюми ихтисоси географияи сайёҳӣ ва менеҷменти саёҳати факултаи геоэкологияи Донишгоҳи давлатии Хуҷанд (ДДХ) ба номи академик Бобоҷон Ғафуров  дар минтақаи таҷрибаомӯзии Тоҷикистони Ҷанубӣ ҷараён мегирад.
  Тавре ки дотсент Муъминҷон Аминов иттилоъ дод, мақсади таҷрибаи сайёҳӣ омӯзиш ва такмили маҳорат ва малакаи таҳқиқ ва мушоҳидаи сайёҳӣ, ҷамъ намудан ва коркарди маводи аввалин ва аз худ намудани  усулҳои он, васеъ намудани ҷаҳонбинии мутахассисони ояндаи соҳаи туризм, мустаҳкам ва амиқ намудани донишҳое, ки донишҷӯён дар аудитория гирифтаанд, мебошад. 
Гуфта мешавад, ки донишҷӯён бо хатсайри  Хуҷанд-Айнӣ-Душанбе-Қӯрғонтеппа-Қубодиён-Шаҳритус-мамнӯъгоҳи «Бешаи палангон»-Душанбе-Хуҷанд амал намуда, аз корхонаҳои саноатӣ, минтақаҳои истеҳсолӣ ва мамнӯъгоҳҳо боздид ба амал оварда, ҳамзамон дар ин минтақаҳо таҷриба меомӯзанд. Таҷрибаомӯзии донишҷӯён зери роҳбарии профессор Садриддин Абдураҳимов  ва сармуаллима Замира Муинова сурат мегирад.
Ҷоиз ба зикр аст, ки таҷрибаомӯзии байниминтақавӣ соли дуюм аст, ки дар донишгоҳ бо эҳтимоми ректори донишгоҳ Ғафурҷон Усмонов аз нав эҳё ва амалӣ мешавад.
 
 

Октябрь 21, 2014 09:26

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд