Боздиди Шоҳбонуи Дания аз маркази клиникӣ
Душанбе, 24.10.2014. (АМИТ «Ховар», Кристина Эрлих ). — 23 октябр Улёҳазрат Шоҳбонуи Дания Мэри дар ҳошияи нахустсафараш ба Тоҷикистон барои пешбурди ҳифзи модару кӯдак ва эмгузаронӣ аз Маркази ҷумҳуриявии клиникии педиатрия ва ҷарроҳии кӯдакони Вазорати тандурустӣ ва ҳифзи иҷтимоии аҳолии ҶТ дидор намуд.
Дар маросими дидори марказ Шоҳбону Мэриро вазири тандурустӣ ва ҳифзи иҷтимоии аҳолии ҶТ Нусратулло Салимзода, муовини аввали вазири тандурустӣ ва ҳифзи иҷтимоии аҳолии ҶТ Лола Бобохоҷаева, муовини директори Маркази ҷумҳуриявии клиникии педиатрия ва ҷарроҳии кӯдакон Абдусалом Воҳидов ҳамроҳӣ намуданд.
Шоҳбону Мэри баъди дидор аз маркази клиникӣ дар Маркази офиятбахшии кӯдакони ноҳияи Варзоб бо роҳбарият ва ҳайати тиббии он мулоқот намуда, дар ҷараёни он аз таҷрибаи муолиҷа ва офиятбахшии кӯдакони маъюб нақл кард.
Дар анҷоми мулоқот барномаи консертӣ бо иштироки дардмандони маркази мазкур баргузор шуд.
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
