Бозии «Помир»-«Спартак»-ро кӣ доварӣ мекунад?
Душанбе, 24.10.2014. (АМИТ Ховар, Ситораи Боймурод).- Абдураҳим Бобоев, раҳбари кумитаи нозирони Федератсияи футболи Тоҷикистон сардовари бозии байналмилалии рафиқона байни собиқадорони бошгоҳҳои футболи «Помир»-и Душанбе ва «Спартак»-и Маскав таъин шуд.
Ба иттилои Федератсияи футболи Тоҷикистон Абдураҳим Бобоеви 57-сола аввалин довари FIFA (Федератсияи байналмилалии футбол) аз Тоҷикистон аст. Вай ба ҳайси довар дар беш аз 20 бозии байналмилалӣ хидмат кардааст. Ёваронаш Владимир Домуллоҷонов ва Султон Қосимов мебошанд. Вазифаи довари эҳтиётӣ бар дӯши Раҳмон Муртазоев гузошта шудааст.
Ёдовар мешавем, ки бозии байналмилалии рафиқона байни собиқадорони бошгоҳҳои футболи «Помир»-и Душанбе ва «Спартак»-и Маскав 25-уми октябри соли равон дар Варзишгоҳи марказии шаҳри Душанбе баргузор мегардад.
Ин бозиро Федератсиони Футболи Тоҷикистон ба муносибати 25-солагии нахустин ширкати «Помир»-и Душанбе дар чемпионати ИҶСШ (СССР) байни дастаҳои лигаи олӣ (соли 1989) ташкил кардааст.
Дар хоҷагиҳои шаҳри Ҳисор ҷамъоварии ҳосили пахта оғоз гардид
Имрӯз дар шаҳри Душанбе ҳаво то 33 дараҷа гарм мешавад
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
