Бозёфтҳои нав дар шаҳрчаи қадимаи Карон
Дарвоз, 23.10.2014. (АМИТ «Ховар», Файз Мирасан).- Дар мавзеи қалъаи қадимаи Карон дар натиҷаи кофтуковҳои археологӣ бозёфтҳои нав дарёфт гаштанд, ки аз тамаддуни волои тоҷикон дарак медиҳанд.
Бо кумаки кормандони илмии Пажӯҳишгоҳи бостоншиносии АУ Ҷумҳурии Тоҷикистон аз соли 2012- ум то инҷониб дар ҳудуди харобаҳои қалъаи қадима ҳафриёт гузаронида мешавад. Нахуст аз зери хок се иншооти муҳим-бурҷи оташ, боҷхона ва маъбади об бароварда шуд. Ин бозёфтҳо ба гузашти асрҳо нигоҳ накарда, намуд ва шакли худро нигаҳ доштаанд.
Ба наздикӣ боз як ҷузъиёти дигари ҳайратангез аз зери қабати ғафси хок бароварда шуд. Ба гуфтаи яке аз сокинони ин ноҳия Ҳайдаршоҳи Акбаршоҳ, ки дар кофтукови археологӣ ширкат дорад, бозёфти нав ба расадхона шабоҳат дорад ва аз фарҳанги волои маскунони шаҳри қадимаи Карон дарак медиҳад.
Дар вайронаҳои расадхонаи эҳтимолӣ маводи гуногуни сангӣ низ дарёфт гардиданд. Инҳо тахтасангҳои хурдҳаҷм мебошанд, ки шаклҳои гуногуни геометрӣ доранд.
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
