Дар Маскав анъаноти мақоми тоҷикӣ танинандоз мешаванд

 
Душанбе, 23.10.2014. (АМИТ «Ховар», Екатерина  Пасторова). – Имрӯз, 23  октябр,  дар  ҳошияи симпозиуми  байналмилалии «Харитаи мусиқии  ҷаҳон» дар толори Консерваторияи  Маскав  ба  номи  Чайковский  бахшида ба садсолагии  зодрӯзи  Зиёдулло  Шаҳидӣ  консерт  таҳти  унвони «Анъаноти  мақоми  тоҷикӣ» баргузор  мегардад.
Дар  консерт ҳунарпешагони  дастаи Академияи  мақоми Ҷумҳурии  Тоҷикистон  бо  роҳбарии  Ҳунарпешаи  мардумӣ  Абдувалӣ  Абдурашидов,  ҳамчунин  Ҳунарпешаи  мардумии  Тоҷикистон  Озодахон  Ашӯрова (сурудхонӣ,  дойра), Хуршед  Иброҳимов (сурудхонӣ,  танбур),  Ҷамшед  Эргашев  (сурудхонӣ,  танбур,  дойра), Мурод  Ҷумъаев (сурудхонӣ,  дойра),  Сироҷиддин  Ҷӯраев (дутор)  ҳунарнамоӣ  мекунанд.
Ёдовар мешавем, ки  21  октябр  дар  толори Консерваторияи  Маскав  бахшида ба  100 – солагии  Зиёдулло  Шаҳидӣ  консерт баргузор  гардида,  дар  он  асарҳои Зиёдулло Шаҳидиро  Фарангис  Нуруллохоҷа, Вивье, Жан Франсуа Лапорт ва  гурӯҳи  саксофоннавозони «Квазар» — и  Канада   иҷро  карда буданд.
Дар  ҳошияи  симпозиум мизи  мудаввар  баргузор  гардида,  дар  он  Мунира  Шаҳидӣ  дар  мавзӯи  «Эҷодиёт ва  ҷаҳонбинии  З.Шаҳидӣ» маърӯза  кард.