Дар Тоҷикистон беш аз 57 ҳазор нафар бекор аст

Душанбе, 29.10.2014. (АМИТ «Ховар», Кристина Эрлих). – То 1 сентябри соли 2014 дар кишвар 57 ҳазору 600 нафар бекорон ба таври расмӣ ба кайд гирифта шуданд, ки 30 ҳазору 400 нафари онҳоро занон ташкил медиҳанд. Сатҳи бекорони расман ба қайд гирифташудаи аҳолии аз нигоҳи иқтисодӣ фаъол 2,5 фоизро ташкил дод. Дар ин бора аз Агентии омори назди Президенти ҶТ ба АМИТ «Ховар» хабар доданд.Аз моҳи январ то моҳи августи соли 2014 маоши миёнаи ҳармоҳа нисбат ба ҳамин давраи соли 2013 баробари 21,7 фоиз афзуда ва 815 сомонию 14 дирамро ташкил дод. Маоши воқеӣ бо дарназардошти индекси нархҳои амволи истеъмолӣ дар давраи аз моҳи январ то моҳи августи соли 2014 нисбат ба ҳамин давраи соли 2013 баробари 10,4 фоиз афзуд.