Даргузашти Ҷамила Ҷамолова
Душанбе, 28.10.2014. (АМИТ «Ховар»). — Дирӯз яке аз журналист ва тарҷумони шинохта, фарзанди шоири маъруфи ӯзбекзабони Тоҷикистон Улмас Ҷамол, Ҷамолова Ҷамила Улмасовна дар синни 48-солагӣ аз олам даргузашт.
Марҳум соли 1966 дар шаҳри Душанбе таваллуд шуда, соли 1988 Донишкадаи забон ва адабиёти рус (имрӯза Донишкадаи давлатии забонҳои Тоҷикистон)-ро хатм кардааст.
Ҷамолова Ҷамила фаъолияти меҳнатиашро ҳамчун омӯзгори фанҳои забон ва адабиёти рус дармактаби миёнаи таҳсилоти умумии №54-и шаҳри Душанбе оғоз намуда, минбаъд ҳамчун муаллима то соли 2004 дар мактабҳои миёнаи таҳсилоти умумии №94 ва №78 фаъолият кардааст.
Соли 2004 фаъолияти журналистиро дар газетаи «Замондош» оғоз карда, аз соли 2007 то соли 2013 дар ҳафтаномаи «Халқ овози» дар вазифаҳои гуногун кор кардааст.
Ҷамолова Ҷамила аз 1 апрели соли 2013 инҷониб дар АМИТ «Ховар» ба ҳайси тарҷумони забони ӯзбекӣ фаъолият дошт.
Роҳбарият ва аҳли эҷоди Агентии миллии иттилоотии Тоҷикистон «Ховар» аз марги нобаҳангоми тарҷумони Агентӣ Ҷамила Ҷамолова сахт андӯҳгин буда, ба пайвандону наздикони марҳум аз даргоҳи Илоҳӣ сабри ҷамил хоҳон аст.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
