Ду медали самбочиёни тоҷик

Душанбе, 29.10.2014. (АМИТ «Ховар»). – 26 ва 27 октябр дар шаҳри Салоникии Юнон мусобиқоти ҷаҳон аз рӯи гӯштии самбо байни устодони ин намуди варзиш баргузор гардид, ки дар он 250 нафар самбочиёни 19 кишвари ҷаҳон иштирок доштанд.Тавре ки Кумитаи миллии олимпӣ хабар медиҳад, дар ин мусобиқот варзишгарони синнашон аз 35 ва 65 боло ба 7 гурӯҳи махсус тақсим шуда буданд. Варзишгари 79 – солаи Гурҷистон Заур Сахуадзе иштироккунадаи куҳансолтарини мусобиқот буд. Гӯштигирони Тоҷикистон дар мусобиқот Саттор Сайфиддинов дар вазни беш аз 100 килограмм медали нуқра ва Гулподшоҳ Хайруллобеков дар вазни 68 килограмм медали биринҷӣ ба даст оварданд.