Душанбе- «Шаҳре, ки он ҷо зистан мефорад»
Душанбе, 21.10.2014.(АМИТ «Ховар», Марзия Саидзода).-Душанбе -пойтахти Ҷумҳурии Тоҷикистон бо Дипломи VII- умин озмуни байналмилалии таҷрибаҳои шаҳрии шаҳрҳои ИДМ ва Иттиҳоди иқтисодии АвруОсиё- «Шаҳре, ки он ҷо зистан мефорад» сарфароз гардид. Озмуни мазкур аз ҷониби Ассамблеяи байналмилалии пойтахтҳо ва бузургшаҳрҳо гузаронида шуда, Душанбе барои ободонӣ, рушди инфрасохтори муосири шаҳрӣ ва дар сатҳи олии ташкилӣ доир намудани чорабиниҳои байнидавлатии кишварҳои ИДМ ва СҲШ бо ин ҷоиза сарфароз гардидааст. Ҳамзамон Маҳмадсаид Убайдуллоев -раиси шаҳри Душанбе аз ҷониби Ассамблеяи байналмилалии пойтахтҳо ва шаҳрҳои бузург бо медали «Барои саҳм дар рушди ҳамкориҳои байнишаҳрӣ» қадрдонӣ гардид.