Фалокат бар асари садамаи нақлиётӣ

Душанбе, 28.10.2014. (АМИТ «Ховар», Кристина Эрлих). – Рӯзи ҷумъаи гузашта дар ҳудуди ноҳияи Бохтар бар асари садамаи нақлиётӣ 4 нафар ҳалок гардид. Тавре ки ВКД ҶТ хабар медиҳад, мошини тамғаи Opel Astra – и ронанда Абдураҳим Латифов, ки аз шаҳри Қӯрғонтеппа сӯи шаҳри Сарбанд ҳаракат мекард, бар асари риоя нашудани қоидаҳои ҳаракат ба автомобили «Камаз» — и ронанда Саидҷаъфар Маҳмадшоев бархӯрд.Назар ба хабари ВКД ҶТ, ронандаи автомобили Opel Astra А.Латифов ва мусофирони ӯ Махфират Неъматуллои 18 – сола, Фарзона Розиқоваи 22 — сола ва Ҷонибек Ҳалимови 19 – сола захмҳои вазнин бардошта, дар ҷойи ҳодиса ҳалок шуданд. Боз як мусофири дигар Саида Шарифоваи 19 — сола захмҳои вазнин бардошта, дар беморхона бистарӣ шудааст.