Форуми ҷаҳонӣ оид ба сиёсати ҷавонон дар Боку

Душанбе, 30.10.2014 (АМИТ «Ховар, Фарзонаи Давлат»).- Форуми якуми ҷаҳонӣ оид ба сиёсати ҷавонон дар шаҳри Бокуи Ҷумҳурии Озарбойҷон, ки аз 28 то 30-юми октябри соли равон идома дошт, анҷом ёфт.
Бино ба иттилои мудири бахши таҳлилии Кумитаи ҷавонон, варзиш ва сайёҳӣ Ҷалолиддин Нуров, форуми мазкур тавонист 700 нафар вазир, коршинос, намояндагони ҷомеаи байналмилалӣ ва шаҳрвандӣ, ҳамчунин ҷавонони фаъолро оид ба масъалаҳои марбут ба рушди сиёсати ҷавонон дар чаҳон ҷамъ оварад. 
Гуфта мешавад, ки дар кушодашавии форум Котиби генералии СММ Пан Ги Мун аз тариқи тамоси видеоӣ ва рўзи дуюм Президенти Ҷумҳурии Озарбойҷон Илҳом Алиев иштирокдоронро барои ба ин сатҳ расонидани сиёсати давлатии ҷавонон табрик намуда, дастгирии доимии худро изҳор намуд.
Тоҷикистонро дар  Форуми якуми ҷаҳонӣ оид ба сиёсати ҷавонон дар шаҳри Боку муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Қиёмиддин Миралиев намояндагӣ кард.