Форуми якуми сармоягузорон дар Душанбе

Душанбе, 27.10.2014. (АМИТ «Ховар», Лайло Тоирӣ).- Имрӯз дар шаҳри Душанбе Форуми якуми сармоягузорӣ дар доираи Нақшаи амали Созмони Ҳамкории Исломӣ оид ба ҳамкорӣ бо кишварҳои Осиёи Марказӣ ба кори худ оғоз кард. Президенти кишвар Эмомалӣ Раҳмон зимни конфронс аз ҷумла таъкид дошт, ки Нақшаи амали мазкур дар ҷаласаи 37-уми Шӯрои вазирони хориҷии созмон моҳи майи соли 2010 маҳз дар шаҳри Душанбе пешниҳод ва қабул гардид.Ҳадафи асосии Форум мусоидат ба дастгирии байналмилалии татбиқи ҳамаҷонибаи Нақшаи амали мазкур буда, бахусус дар рушди соҳаҳои энергетика, нақлиёт, саноат, кишоварзӣ, туризм, сармоягузорӣ ва тиҷорати кишварҳои аъзои созмон саҳм хоҳад дошт.«Итминон дорам, ки татбиқи Нақшаи амал ба таҳкими ҳамкориҳои судманд дар самтҳои таҳқиқот, рушди техникаву технология, илму маориф ва тандурустӣ низ мусоидат хоҳад кард», -баён дошт Сарвари давлат.