Истеҳсоли пахта ба 77, 7 фоиз баробар шуд

Душанбе, 31.10.2014. (АМИТ «Ховар», Зарангези Латиф).- Мувофиқи маълумотҳои фаврии раёсати растанипарварии Вазорати кишоварзии Ҷумҳурии Тоҷикистон  соли ҷорӣ дар ҷумҳурӣ  дар майдони зиёда аз 177,6 ҳазор гектар кишти пахта гузаронида шудааст. Дурнамои истеҳсоли пахта 408 ҳазор тоннаро ташкил медиҳад.
Дар айни замон дар ҷумҳурӣ ба миқдори 316,9 ҳазор тонна пахта ҷамъоварӣ шудааст, ки баробари 77, 7 фоизи дурнамо мебошад. 
Дурнамои истеҳсоли пахта дар вилоят 277,6 ҳазор тоннаро ташкил медиҳад.
Аввалин шуда дар кишвар кишоварзони ноҳияи Сарбанд иҷрои дурнамои ҷамъоварии пахтаро 102,5 фоиз таъмин намуданд. Кишоварзони ноҳияҳои   Қубодиён, Ҷиликул, Н.Хусрав ва Данғара дар вилоят пешсафанд.
Имсол ҷамъоварии пахта дар ҳар як рӯз нисбат ба соли гузашта 17, 8 сентнерӣ зиёд аст.
Бо вуҷуди ин имсол бо таъсири боронҳои зиёд нисбат ба соли гузашта 51,2 фоиз камтар пахта истеҳсол гардидааст.