Кӯлоб: Футбол миёни наврасон

Кӯлоб, 29.10.2014. (АМИТ «Ховар», Сулаймон Холов).-Бо мақсади оммавӣ гардонидани футбол миёни наврасону ҷавонон аз ҷониби бахши ҷавонон, варзиш ва сайёҳии минтақаи Кӯлоб ва сарпарастон бахшида ба 20-умин солгарди Сарқонуни Ҷумҳурии Тоҷикистон миёни ташкилоту идора ва муасисаҳои шаҳру навоҳии минтақа мусобиқаи футболи хурд оғоз шуд. Дар мусобиқа зиёда аз 16 даста ширкат дорад. Дар расми ифтитоҳи футболи хурд, ки дар майдони сунъии тозабунёди боғи фарҳангии шаҳр доир гардид, роҳбарияти мақомоти иҷроияи ҳокимияти давлатии шаҳри Кӯлоб ва бахши ҷавонон, варзиш ва сайёҳии минтақаи Кӯлоб ширкат карданд.