Кишоварзони беҳтарини соли 2014

Душанбе, 14.10.2014. (АМИТ «Ховар», Зарангези Латиф).- Бо мақсади баланд бардоштани фаъолияти босамари меҳнатӣ ва ҷамъиятии кишоварзон дар рушди иқтисодиёт ва беҳтар кардани шароити иҷтимоӣ ва маънавии онон Вазорати кишоварзии Ҷумҳурии Тоҷикистон қарор кард, ки кормандони беҳтарини соҳаи кишоварзиро бо мукофотҳо ҳавасманд гардонад.
Аз ҷумла бо мукофоти «Хоҷагии беҳтарин», Ҷоизаи ба номи Саидхоҷа Ӯрунхӯҷаев роҳбари хоҷагии деҳқонии «Муҳсинҷон»-и ноҳияи Данғара М. Раҳимов, бо мукофоти «Пахтакори беҳтарин», Ҷоизаи ба номи Абдуғафур Самадов роҳбари хоҷагии деҳқонии «Авесто»-и ноҳияи Қубодиён Р. Абдуллоев, бо мукофоти «Ғаллакори беҳтарин», Ҷоизаи ба номи Миралӣ Маҳмадалиев роҳбари хоҷагии деҳқонии «Назаров»-и шаҳри Панҷакент Пиримқул Халилов, бо мукофоти «Сабзавоткори беҳтарин», Ҷоизаи ба номи Карим Исмоилов роҳбари хоҷагии деҳқонииба номи  С.Назарови шаҳри Кӯлоб А. Зардиев, бо мукофоти «Занбӯрпарвари беҳтарин» роҳбари хоҷагии деҳқонии Хуршеди ноҳияи Тавилдара Хуршед Давлатов, бо мукофоти «Моҳипарвари беҳтарин» роҳбари ҶСП «Аква Порс»-и шаҳри Ваҳдат Умаралӣ Раҷабов  ва дигар кишоварзони беҳтарини мамлакат бо ҷоизаҳо сарфароз гардонида шуданд.