М. Убайдуллоев бо роҳбарони баландпояи Русия мулоқот менамояд

Душанбе, 21.10.2014.(АМИТ “Ховар”, Марзия Саидзода).- 21 октябр ҳайати парлумонии Тоҷикистон таҳти роҳбарии Маҳмадсаид Убайдуллоев -раиси Маҷлиси миллии Маҷлиси Олии Ҷумҳурии Тоҷикистон ба Маскав рафт. Ҳадафи сафари ҳайати парлумонии Тоҷикистон ба Русия ширкат дар Форуми чоруми байнипарлумонии «Русия -Тоҷикистон: неруи ҳамкории байниминтақавӣ» ва конфронси сеюми ҳамкории иқтисодии байниминтақавии Тоҷикистон ва Русия аст. 
Интизор меравад, ки дар доираи  ин чорабиниҳо Маҳмадсаид Убайдуллоев бо роҳбарони ҷамъиятҳои тоҷикон ва  иттиҳодияҳои ҷамъиятии муқими Федератсияи  Русия, инчунин бо Валентина Матвиенко — раиси Шӯрои Федератсияи Маҷлиси Федералии Федератсияи Русия, Сергей Наришкин — раиси Думаи давлатии Федератсияи Русия, Игор Шувалов — муовини аввали раиси Ҳукумати Федератсияи Русия, Сергей Собянин — мири шаҳри Маскав ва Андрей Воробёв — губернатори вилояти Маскав мулоқот ҳоҳад кард.