Маҳфили эҷодӣ бахшида ба 100-солагии З.Шаҳидӣ
Душанбе, 29.10.2014. (АМИТ «Ховар», Зарангези Латиф).- Рӯзи 30-юми октябри соли ҷорӣ дар толори консертии Иттифоқи композиторони Тоҷикистон маҳфили эҷодӣ бахшида ба 100-солагии оҳангсози маъруфи тоҷик Зиёдуллоҳи Шаҳидӣ баргузор мегардад.Маҳфили мазкур бо сухани ифтитоҳии раиси Иттифоқи композиторони Тоҷикистон оҳангсози маъруф, Арбоби ҳунари Тоҷикистон Қудратулло Ҳикматов оғоз хоҳад ёфт.Бояд гуфт, ки дар маҳфили мазкур барномаи консертӣ аз осори Зиёдулло Шаҳидӣ ва Фозил Солиев садо медиҳад.Ҳамчунин оҳангсозон ва мусиқанавозон бо оҳангҳои марғубу дилнишин табъи ҳозиринро болида мегардонанд.Ёдрас мешавем, ки Зиёдулло Шаҳидӣ аз ҷумлаи аввалин афроде буд, ки мусиқии миллии тоҷикиро бо созу навои симфонии аврупоӣ омезиш дод ва дар навиштани опера чира шуд. Нахустин асари калонҳаҷми ӯ операи “Комде ва Мадан” буд, ки барояш шӯҳрати ҷаҳонӣ овард. Ин опера, ки соли 1961 дар Театри опера ва балети ба номи С.Айнӣ ба саҳна гузошта шуд, аз ҷониби мухлисон хуб пазироӣ гардид ва аз ҷониби мунаққидони санъати мусиқӣ баҳои арзишманд гирифт.
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
