Маҳфили экологӣ бахшида ба ҷашни Сарқонун

Душанбе, 29.10.2014. (АМИТ, «Ховар», Назири Назир).- 27 октябри соли равон дар толори муассисаи таҳсолоти умумии № 33-и пойтахт бахшида ба 20-солагии қабули Конститутсия (Сарқонун)-и Ҷумҳурии Тоҷикистон маҳфили экологӣ доир гардид. Дар маҳфил хонандагони макотиби таҳсилоти умумии № 33, 72 ва 70 дар бахши саволу ҷавоб, кор бо тестҳо, саҳнача ва шартҳои дигари маҳфил маҳорат нишон дода, сазовори ҷойҳои намоён гардиданд. Дар чорабинӣ намояндагон аз Маркази ахбори экологии Кумитаи ҳифзи муҳити зисти назди Ҳукумати Ҷумҳурии Тоҷикистон ва Раёсати ҳифзи муҳити зисти шаҳри Душанбе иштирок карданд. Мақсади чорабинӣ баланд бардоштани донишҳои экологии хонандагони мактабҳои пойтахт буд.