Маликаи Дания ба Тоҷикистон меояд
Душанбе, 22.10.2014. (АМИТ «Ховар», Кристина Эрлих). — Имрӯз, 22 октябр, Улёҳазрат Маликаи Дания Мария ба Тоҷикистон меояд. Дар ҷараёни нахустташрифи Малика ба Тоҷикистон чанд мулоқот дар сатҳи баланд баргузор мешавад.
Тавре ки аз Намояндагии Созмони умумиҷаҳонии тандурустӣ дар Тоҷикистон ба АМИТ «Ховар» хабар доданд, Малика Мария аз бархе муассисаҳои тиббӣ дидор карданист. Аз ҷумла, 23 октябр маросими боздид аз Маркази захиравии омӯзишии назди Пажӯҳишгоҳи тадқиқоти илмии педиатрия, Маркази офиятбахшии кӯдакон воқеъ дар ноҳияи Варзоб дар назар аст. Худи ҳамон рӯз Малика Мария дар маросими хидматрасонии тиббӣ ба кӯдакони мубталои бемории полиомиелит иштирок менамояд.
24 октябр Маликаи Дания аз Донишгоҳи давлатии тиббии Тоҷикистон ба номи Абӯали ибни Сино, Маркази тандурустии ноҳияи Ваҳдат ва Маркази миллии солимии репродуктивӣ дидор мекунад.
Мувофиқи суханони манбаъ, ҳангоми дидор аз муассисаҳои тиббии кишвар Маликаи Данияро директори минтақавии Созмони умумиҷаҳонии тандурустӣ Жужжанна Якаб ҳамроҳӣ мекунад.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
