Машқҳо анҷом ёфтанд
Душанбе, 27.10.2014. (АМИТ «Ховар»). — Чанде пеш дар Маркази таълимии Агентии назорати маводи нашъаовари назди Президенти ҶТ маросими супурдани шаҳодатномаҳо ба кормандони ҷузъу томи фаврии агентӣ баргузор гардид. Кормандони зикршудаи агентӣ дар курсҳои даҳрӯза дар мавзӯи «Назария ва амалияи фаъолияти фаврӣ» таҳсил намуданд.
Тавре ки Агентии назорати маводи нашъаовари ҶТ хабар медиҳад, дар ҷараёни курсҳои таълимӣ омӯзгорони Пажӯҳишгоҳи шимолу ғарбии такмили ихтисоси Хадамоти федералии Федератсияи Русия оид ба назорати гардиши маводи мухаддир ба кормандони агентӣ хусусиятҳои тафтиши ҷинояткориҳои бахши гардиши ғайриқонунии маводи мухаддир, фаъолияти гурӯҳҳои муташаккили ҷинояткор ва ошкор намудани қочоқчиёни маводи нашаъоварро таълим доданд.
Ғайр аз ин машғулиятҳои махсус аз рӯи истифодаи техникаи компютерӣ гузаронида шуданд.
Дар анҷоми курсҳо мизи мудаввар дар мавзӯи «Масоили мубрами мубориза бо гардиши ғайриқонунии маводи мухаддир ва роҳҳои ҳалли онҳо» доир гардид.
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
