Машварат-озмуни ҷумҳуриявии драмнависон ва таҳиягарон
Душанбе, 22.10.2014. (АМИТ «Ховар», Зарангези Латиф).- Аз 17-ум то 20-уми ноябр дар шаҳри Душанбе машварат-озмуни ҷумҳуриявии драмнависон ва таҳиягарон доир мегардад.
Бино ба иттилои дафтари матбуоти Вазорати фарҳанги ҷумҳурӣ эълони машварат-озмуни мазкур қаблан дар тамоми расонаҳои хабарӣ паҳн гардида ва то ба имрӯз ба унвонии вазорат 7 асари драмавии адибони тоҷик ворид гардидааст.
Аз ҷумла, инҳо асарҳои Нурулло Абдулло «Блокада, опять…», Ҷумъа Қуддус — «Муқовимат-резистане», Раҳмоналӣ Одинаев — «Пайвандгари дилҳо», Ато Ҳамдам — «Шоми охирон», Зарифи Ибод — «Барои фронт», Ато Ҳамдам — «Қурбонӣ», А.Раҳмонқулов «Маруся» мебошанд.
Пйесаҳо зимни муҳокимаҳо аз ҷониби иштирокчиёни машварат-озмун баррасӣ гардида, баъдан ғолибони озмун муайян мегарданд.