Мизи мудаввар бахшида ба ҷашни Сарқонун

Душанбе, 28.10.2014. (АМИТ «Ховар», Зарангези Латиф).- Имрӯз бо иштироки кормандони соҳаи фарҳанг ва мутахассисони соҳавӣ бахшида ба 20-солагии Конститутсия (Сарқонун)-и Ҷумҳурии Тоҷикистон доир ба мавзӯи «Нақши Конститутсия дар ҳаёти иҷтимоӣ, иқтисодӣ ва фарҳангии мардуми Тоҷикистон» мизи мудаввар баргузор гардид. 
Дар конфронс масъалаҳои нақши Конститутсия дар ҷомеаи имрӯз ва нақши Конститутсия дар ҳаёти иҷтимоӣ, иқтисодӣ ва фарҳангии мардуми Тоҷикистон мавриди муҳокима қарор гирифтанд. 
Гуфта шуд, ки бо шарофати қабули Қонуни асосии давлат- Конститутсия  сулҳу субот ва ваҳдати миллӣ самтҳои афзалиятноку муҳимтарини сиёсати фарҳангии Тоҷикистон тарҳрезӣ ва зина ба зина татбиқ шуда, барои рушди устувор ва бемайлони фарҳанги миллӣ дар мамлакат фазои мусоиду озод фароҳам омадааст.  
Дар фарҷом иштирокчиён оид ба масъалаҳои семинар аз гузоришдиҳандагон ба саволҳояшон посух гирифтанд.
Дар ин бора аз Вазорати фарҳанги кишвар хабар доданд.