Муассисаи тиббии ВКД барои муолиҷа омода аст

Душанбе, 23.10.2014.(АМИТ «Ховар», Мавҷуда Анварӣ).- Имрӯзҳо бо дастгирии мақомоти иҷроияи ҳокимияти давлатии вилояти Суғд ва шаҳри Хуҷанд таъмиру тармими бинои Муассисаи тиббии Раёсати Вазорати корҳои дохилӣ дар вилояти Суғд босуръат ҷараён дорад.
Барои навсозии ин бино ҳамарӯза то 100 нафар сохтмончӣ, пардозгар ва таъмиргар ҷалб мешавад.  Роҳбарияти раёсат   ният доранд, то ҷашни 20 -солагии қабули Сарқонуни Тоҷикистон онро мавриди истифода қарор диҳанд. 
Бино барои муолиҷаи шабонарӯзии 50 нафар корманди ниҳодҳои қудратӣ ва ҳифзи ҳуқуқи вилоят, хадамоти гумрук, оташнишинӣ ва муҳофизони муассисаҳои ислоҳӣ пешбинӣ шудааст.  
Баъди мавриди истифода қарор гирифтани ин муассисаи тиббӣ    барои барқарор намудани саломатӣ ҳуҷраҳои тиббӣ амал намуда, таҷҳизоти нави муосир насб  мешаванд.
Дар он зиёда аз 40 нафар табиб ба афсарону сарбозони ниҳодҳои номбурда хизмат мерасонад.