Мулоқотҳои судманд бо ҷавонону варзишгарони ВМКБ

Душанбе, 21.10.2014 (АМИТ «Ховар», Фарзонаи Давлат»).-Имрӯз ҳайати Кумитаи ҷавонон, варзиш ва сайёҳии назди Ҳукумати Тоҷикистон бо фаъолон, ҷавонон ва варзишгарони ноҳияи Рӯшони ВМКБ мулоқот намуд.Тавре ки дар ин бора мудири бахши иттилотию таҳлилии Кумитаи мазкур Ҷалолиддин Нуров хабар дод, зимни мулоқот иштирокчиён аз дастовардҳои истиқлол ва дастовардҳои варзишгарон дар замони истиқлол ёдовар шуда, ҷавонон ва варзишгаронро барои ноил шудан ба натиҷаҳои хубу назаррас даъват намуданд.Гуфта мешавад, ки дирӯз ҳайати комиссияи Кумитаи ҷавонон, варзиш ва сайёҳӣ, ки ҷиҳати дидан ва баррасии фаъолияти бахшҳои кумитаи мазкур дар шаҳру ноҳияҳои ВМКБ сафар карданд, чунин мулоқоти судманд низ бо ҷавонону фаъолон ва афсарону аскарони ноҳияи Дарвоз доир карданд ва дар назар аст фардо бо фаъолон ва ҷавонони ноҳияи Шуғнон мулоқот доир намояд. Ёдрас мешавем, ки баргузории чунин мулоқотҳои судманд дар дигар шаҳру ноҳияҳои вилоят низ дар назар аст.