Мулоқоти гурӯҳи корӣ бо занони Хатлон
Душанбе, 14.10.2014. (АМИТ «Ховар», Лайло Тоирӣ)- Тибқи нақшаи ҳамкорӣ миёни Агентии назорати маводи нашъаовари назди Президенти Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурӣ, Вазорати тандурустӣ ва ҳифзи иҷтимоӣ як гурӯҳи корӣ ба ноҳияҳои наздисарҳадии вилояти Хатлон сафарбар гардид.
Гурӯҳи корӣ дар байни занону духтарони шаҳри Кӯлоб, ноҳияҳои Восеъ, Шӯрообод, Фархор, Ҳамадонӣ ва Данғара оид ба масъалаҳои пешгирии нашъамандӣ ва нашъаҷаллобӣ дар байни занону духтарон, бемориҳои сироятӣ ва ВНМО/БПНМ, ҷинояткорӣ, худкушӣ, аз таҳсил дур мондани духтарон ва дигар амалҳои номатлуб вохӯрию суҳбатҳо доир карда, дар онҳо оид ба мушкилиҳое, ки имрӯз ҷомеаи ҷаҳонӣ ва шаҳрвандиро фаро гирифтаанд, сухан гуфтанд.
Дар вохӯрӣ пешниҳод гардид, ки минбаъд ба чунин гурӯҳҳо адибаҳо шомил гарданд ва ин гуна чорабиниҳо бештар ба роҳ монда шаванд.
Дар ин бора ба АМИТ «Ховар» аз хадамоти матбуотии агентӣ хабар доданд.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
