Мулоқоти П. Давлатзода бо В. Бадалян

Душанбе, 30.10.2014 (АМИТ «Ховар»).- 30 октябри соли 2014 муовини вазири корҳои хориҷии Ҷумҳурии Тоҷикистон Парвиз Давлатзода Сафири Ҷумҳурии Арманистон дар Тоҷикистон Владимир Бадалянро ба ҳузур пазируфт.
Дар ҷараёни мулоқот, ки дар фазои анъанавии дӯстона ва ҳусни тафоҳуми созанда сурат гирифт, масоили рушди муносибатҳои дуҷониба ва мавзуоти минтақавию байналмилалӣ мавриди муҳокима қарор гирифтанд.
Ҷонибҳо дар он ҳамақида буданд, ки равобити миёни ду кишвари дӯст ба тавсеа ва густариши минбаъда ниёз дорад. Онҳо дар ин самт як зумра иқдомҳоро ҳамоҳанг намуданд, ки дар ояндаи наздик амалӣ хоҳанд шуд.