Мулоқоти П.Давлатзода бо В. де Вилмер
Душанбе, 28.10.2014. (АМИТ «Ховар»). – 27 октябр дар шаҳри Душанбе мулоқоти муовини вазири корҳои хориҷӣ Парвиз Давлатзода бо муовини директори раёсати Вазорати корҳои хориҷии Фаронса Виолан де Вилмер баргузор гардид. Дар мулоқот сафири Фаронса дар Тоҷикистон Дидие Леруа низ ширкат дошт.Тавре ки ВКХ ҶТ хабар медиҳад, дар ҷараёни мулоқот доираи васеи масоил, аз ҷумла муносибатҳои дуҷонибаи миёни Тоҷикистону Фаронса, ҳамчунин ҳамкории минтақавӣ ва вазъияти Афғонистон мавриди муҳокима қарор гирифт.