Муъминобод: Машварат барои гулпарварон

Муъминобод, 28.10.2014. (АМИТ «Ховар», Сулаймони  Хол). — Дирӯз дар  ноҳияи  Муъминобод  дар  мавзӯи  «Гулҳои  мавсимӣ  ва  дарахтони  ороишӣ»  машварат  доир  гардид. Мақсад  аз  гузаронидани   машварат  ҳар чи   бештар  таъсис  додани  гармхона  барои гулҳои  мавсимӣ ва   афзоиш  додани   шумораи  дарахтони  ороишӣ ва  бо ин   васила  таъмини   ташкилоту  муассисаҳо  бо гулҳои  мавсимӣ  ва  дарахтони  ороишӣ  буд.  Дар   семинар   намояндагон  тарзи  парвариши  чанд  навъи   тухми  гул ва  дарахтони   ороиширо   дар гармхонаҳо  фаҳмониданд.  Зикр  шуд,  ки  миқдори гулҳои  мавсимӣ ва  дарахтони  ороишиеро, ки  зеби  марказ  ва  гулгаштҳои  ноҳияҳоянд, бештар  намоянд. Мавриди  зикр  аст, ки дар айни  ҳол   дар  ноҳияи  Муъминобод  аз  ҷониби  корхонаи  давлатии  фаръии хоҷагии  манзилию коммуналии  ноҳия   беш  аз  12  навъи  гулҳои  мавсимӣ  парвариш  ёфта  ташкилоту  муассиса  ва  ҷамоатҳои  шаҳраку  деҳотро   бо  гулҳои  мавсимӣ  таъмин   намудааст.