Нақшаи нӯҳмоҳаи андоз 124 фоиз иҷро шуд

Хоруғ, 18.10.2014. (АМИТ «Ховар», Файз Мирасан).- Дар мақомоти маҳаллии ҳокимияти давлатии шаҳри Хоруғ аз фаъолияти нуҳмоҳаи соҳаҳои иқтисодӣ-иҷтимоии қаламрави шаҳр натиҷагирӣ шуд. Муовини аввали раиси шаҳр Ҷумъа Ҷумъаев зимни баррасии фаъолияти нуҳмоҳаи сохторҳои марбута зикр намуд, ки даромади буҷети шаҳри Хоруғ аз ҳисоби сарчашмаҳои гуногуни андоз таъмин гардида, нақшаи нӯҳмоҳаро ба андозаи 124 фоиз иҷро шуд.Ҳамчунин зикр гардид, ки дар корхона ва муассисаҳои дохилии шаҳр ба мавсими тирамоҳу зимистон ба қадри имкон маводи зидди лағжиш захира шуданд. Дар баробари ин шабакаҳои барқӣ бо насби тақсимкунакҳо, зеристгоҳҳо ва ноқилҳои барқӣ тавонистанд ба қадри имкон ба зимистон омодагӣ гиранд. Дар ин муддат ба андозаи 43,6 миллион кв соат неруи барқ истеҳсол шудааст, ки нисбат ба ҳамин давраи як соли гузашта 4,5 фоиз бештар талаботи сокинони шаҳрро қонеъ кардааст.Амрихудои Дамдор- муовини аввали раиси вилоят аз фаъолияти соҳа изҳори нигаронӣ карда, гуфт, ки сарчашмаҳои зиёди андозбандӣ аз ҳисоби фаъолияти соҳибкорӣ, андоз аз фоида арзиши изофашуда, истифодабарандагони роҳи мошин аз соҳибони воситаҳои нақлиёт ва дигар намудҳои андозбандӣ бояд хубтар ба роҳ монда шаванд.