Нашъаҷаллобон дастгир шуданд
Душанбе, 21.10.2014. (АМИТ «Ховар», Кристина Эрлих). – Кормандони милиса ҳангоми роҳандозии тадбирҳои фаврӣ сокини ноҳияи Фархор Мирзоев Самандари 20 – сола ва сокини шаҳри Душанбе Маҳмадбеков Фарҳоди 22 – соларо бо гумонбари гардиши ғайриқонунии маводи мухаддир дастгир намуданд. Дар ин бора аз маркази матбуоти ВКД ҶТ ба АМИТ «Ховар» хабар доданд.
Мувофиқи суханони манбаъ, ҳангоми тафтиш аз шахсони гумонбаршуда 782 грамм ҳашиш пайдо ва мусодира гардид.
Аз рӯи ин қазия парвандаи ҷиноӣ кушода, тафтишот идома дорад.