Натиҷаҳои интихобот дар Украина

Душанбе,29.10.2014. (АМИТ «Ховар», Иброҳими Ҳабибуллоҳ).- Мувофиқи иттилои шабакаи интернетии www.rg.ru сокинони Украина баъди як соли бебандубориҳои сиёсӣ ва чандин моҳи ҷангҳо бо ҷудоиталабони Русия дар шарқ дубора ба по мехезанд. Гуфта мешавад, ки интихоботи порлумонии Украина рӯзи 26 октябри соли равон бо пирӯзии бечунучарои аҳзоби рӯ ба Аврупо анҷом ёфт.  Душанбе, 29.10.2014. (АМИТ «Ховар»).-Дирӯз дар натиҷаи таркиши ду бомба дар Ироқ 34 нафар ба ҳалокат расид ва чанд каси дигар захмҳои гуногуни ҷисмонӣ бардошт. Гуфта мешавад, ки таркиш дар ноҳияи умдатан шианишини Каррода дар Бағдод ба амал омадааст.Душанбе,29.10.2014. (АМИТ «Ховар»).-Мувофиқи иттилои раиси Бонки миллии Қазоқистон Кайрат Келимбетов ба васоити ахбори оммаи кишвараш аз мардум даъват кардааст, ки дар бораи поин рафтани арзиши танга ё таварруми он ба сару садоҳои дурӯғ бовар накунанд. Гуфтан ба маврид аст, ки дар давоми ду ҳафтаи охир дар бозори табодули пули Қазоқистон бештар аз 2 миллиард доллар ба фурӯш рафтааст. Душанбе,29.10.2014. (АМИТ «Ховар»).- Мувофиқи иттилои Вазорати ҳолатҳои фавқулодаи Булғористон аз сабаби бориши шадиди барф ва сардии ҳавои кишвар як нафар ба ҳалокат расидааст. Барои бартараф кардани оқибатҳои барфрезӣ 500 нафар корманди ниҳоди дахлдор сафарбар гардид. Дар ҳамин ҳол дар шаҳрҳои София ва Троян 30 ҳазор нафар бошанда аз истифодаи неруи барқ бебаҳра мондааст. Душанбе,29.10.2014. (АМИТ «Ховар»).- Дар пойтахти Аргентина- шаҳри Буэнос-Айрес ва дигар минтақаҳои он гармии тоқатфарсо ҳукмфармо мебошад. Дар дигар музофотҳои кишвар ҳарорати ҳаво аз 35 дараҷа низ боло рафтааст. Мувофиқи маълумоти расида, дар шаҳри Сантяго-дел-Эстеро ҳарорати ҳаво ба 42-45 дараҷа расидааст. Тибқи маълумоти ҳавошиносон ин авзоъ дар кишвар барои чанд рӯзи дигар боқӣ хоҳад монд.