Натиҷагирӣ аз фаъолияти нӯҳмоҳаи Вазорати мудофиа

Душанбе, 27.10.2014. (АМИТ «Ховар», Лайло Тоирӣ).- Ҳафтаи гузашта дар Вазорати мудофиаи Ҷумҳурии Тоҷикистон вобаста ба натиҷаҳои фаъолияти қисму воҳидҳои низомӣ ва дигар муассисаву идораҳои тобеи ин ниҳоди қудратӣ дар давоми 9 моҳи соли равон ҷамъомад доир гардид. Дар ҷамъомад натиҷаҳои фаъолияти Вазорати мудофиа вобаста ба омодагии ҷангӣ, вазъи қонунияту тартиботи ҳуқуқӣ ва тайёриҳо ба давраи зимистон баррасӣ гардида, доир ба ин масъалаҳо сардори Ситоди генералии Қувваҳои Мусаллаҳ, муовинони вазири мудофиа, фармондеҳони навъҳои қӯшунҳо ва дигар роҳбарони раёсатҳои дахлдори Вазорати мудофиа гузориш доданд.Аз ҷумла талаб шуд, ки ҳар як масъули раёсати дастгоҳи марказиву Ситоди генералӣ, фармондеҳони навъҳои Қӯшуни Вазорати мудофиаи ҷумҳурӣ, командирони ҷузъу томҳо, комиссарони ҳарбӣ ва дигар ашхоси дахлдори ин ниҳоди қудратӣ дар иҷрои вазифаву уҳдадориҳои хизматӣ бо масъулияти баланд муносибат намоянд ва баҳри баланд бардоштани қудрати дифоии кишвар, пойдории фазои сулҳу суботи мамлакат ва таъмини ҳаёти осоиштаи мардум талош намоянд.Дар ин бора аз хадамоти матбуоти Вазорати мудофиа иттилоъ доданд.