Оқибати бадмастӣ

Душанбе, 28.10.2014. (АМИТ «Ховар», Муқаддас Темурзода). – ВКД ҶТ нисбат ба сокини 37 – солаи ноҳияи Ховалинг Умедҷон Лақаев парвандаи ҷиноӣ кушодааст. Назар ба хабари мақомоти ҳифзи ҳуқуқи кишвар, 27 октябр Умедҷон Лақаев дар ҳолати мастӣ дар соҳили дарёи шаҳраки Шехмизон бо шаҳрванд Саъбагул Каримоваи 43 — сола вохӯрда, дар аснои он байнашон хархаша бархоста, марди бадмаст ба бадани С.Каримова се бор корд зада, ӯро захмӣ мекунад. Ҷабрдида дар ҳолати вазнин ба беморхона бурда мешавад. Тафтишот аз рӯи ин ҳодиса идома дорад.