Олимпиадаи байналмилалии мактаби олии иқтисодиёт

Душанбе, 22.10.2014. (АМИТ «Ховар», Анна  Мошенко). — Назар  ба  хабари  намояндагии  «Россотрудничество» дар  Тоҷикистон,  Донишгоҳи  миллии тадқиқотии «Мактаби  олии иқтисодиёт» бо  дастгирии Агентии  федералии  умури  ИДМ  ва  ҳамдиёриёни  сокини   хориҷа» аз  21  то 26  ноябри  соли  ҷорӣ Олимпиадаи  байналмилалии  ҷавононро   доир  менамояд. 
Хонандагони  синфҳои  8 — 11 гимназияҳо,  литсейҳо,  коллеҷҳо,  ҳамчунин  хатмкунандагони  муассисаҳои  таҳсилоти  умумии  кишварҳои  хориҷи  дуру  наздики  синнашон  то  30  метвонанд дар  олимпиада  иштирок  намоянд.
Мақсад  аз доир  намудани  олимпиада ривоҷи  дастрасии  ҷавонони  боистеъдоди  кишварҳои  хориҷӣ  ба барномаҳои  таҳсилотии  Русия, тақвият бахшидани  қобилияти  эҷодии  ҷавонон,  фароҳам  овардани  шароити рушди зеҳнӣ ва  дастгирии  мактабиёни   истеъдоднок  аст. 
Ҳамаи  хоҳишмандон  бояд  то 13  ноябр ба  қайд  гирифта,  дар  Маркази  илму  фарҳанги  Русия  воқеъ дар  шаҳри  Душанбе аз имтиҳон  гузаранд.