Омӯзиши тарзи бурдани музокироти байналмиллалӣ дар АНМН

Душанбе, 29.10.2014. (АМИТ «Ховар», Мавҷуда Анварӣ).- Дар Агентии назорати маводи нашъаовар (АНМН)-и назди Президенти Ҷумҳурии Тоҷикистон барои кормандони шуъбаи ҳамкории байналмиллалӣ ва таъминоти ҳуқуқии ситоди агентӣ тренинг дар мавзӯи “Ҳамкории байналмиллалӣ ва тартиби бурдани чорабиниҳои протоколӣ” оғоз гардид.Омӯзишро кормандони Вазорати корҳои хориҷии Ҷумҳурии Тоҷикистон доир намуда, дар тренинг кормандони агентӣ бо тартиби бурдани протокол ва этикети хизматӣ, шиносоӣ ва муошират, идораи робитаҳои берунӣ дар сатҳи гуногуни давлатӣ, дипломатияи муосир ва муносибатҳои байналмиллалӣ, тартиби бурдани музокироти корӣ бо шарикони хориҷӣ шинос мегарданд.Бино ба иттилои хадамоти матбуоти агентӣ, ба кормандон инчунин тартиби омодасозӣ ва имзои созишнома, мукотибот бо шарикони хориҷӣ омӯзонида мешавад.