Омодагии пеш аз сафари муҳоҷирон
Душанбе, 28.10.2014. (АМИТ «Ховар», Лайло Тоирӣ).- 27 октябри соли 2014 дар Хадамоти муҳоҷирати Вазорати меҳнат, муҳоҷират ва шуғли аҳолӣ семинар дар мавзўи «Омодагии пеш аз сафари муҳоҷирони меҳнатӣ-шаҳрвандони ҷумҳурӣ ба хориҷа» ба кори худ оғоз кард.
Дар семинар кормандони раёсату шуъбаҳо ва бахшҳои шаҳру ноҳияҳо ва вилоятҳои хадамот ширкат намуданд.
Семинари мазкур бо иқдоми роҳбарияти Вазорати меҳнат, муҳоҷират ва шуғли аҳолии ҶТ, Хадамоти муҳоҷират ва бо дастгирии намояндагии Иттиҳоди Аврупо ва Маркази байналмилалии рушди сиёсати муҳоҷират (ICMPD) барпо мегардад.
Бино ба иттилои шуъбаи муносибатҳои байналхалқӣ ва робита бо ҷомеаи хадамот, ҳадаф аз баргузории семинар- ин омўзонидани кормандони навтаъйини Хадамоти муҳоҷират дар шаҳру ноҳияҳои ҷумҳурӣ бо мақсади омодагии пеш аз сафари муҳоҷирони меҳнатӣ ба хориҷи кишвар мебошад.
Дар кори семинар намояндаи Иттиҳоди Аврупо дар Тоҷикистон Акрам Муҳаммадқулов, сармутахассиси Вазорати меҳнат, оила ва ҳифзи иҷтимоии пиронсолони Руминия Аураш Маринеску, директори маркази тадқиқоти муҳоҷиратии Федератсияи Русия Дмитрий Полетаев сухан гуфтанд.
Семинар 28 октябр низ идома ёфта, дар фарҷом ба иштирокчиён шаҳодатнома супорида мешавад.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
