Пӯшидашавии ҷашнвораи шашуми байналмилалии «Дидор»
Душанбе, 20.10.2014. (АМИТ «Ховар», Зарангези Латиф).- Имрӯз маросими пӯшидашавии синамобазми шашуми байналмилалии «Дидор» бо ширкати синамогарони Осиёи марказӣ, Арманистон, Гурҷистон, Озарбойҷон, Русия, Афғонистон, Эрон ва Тоҷикистон баргузор мегардад.
Дирӯз, 19-уми октябр дар кинотеатри Зебуннисо, аз ҷумла дар толори калон филмҳои истеҳсоли синамогарони Гурҷистон, Қазоқистон, дар толори хурд- филмҳои синамогарони Эрон, Гурҷистон, Қазоқистон пешкаши ҳаводорони олами синамо гардид.
Имрӯз, 20-уми октябр маросими пӯшидашавии синамобазм дар Кохи Ҷомӣ доир мегардад ва дар он филми «Муаллим»-и Носир Саид ба намоиш гузошта шуда, ҳамчунин дар ин рӯз мизи гирд доир мегардад. Дар мизи мудаввар масъалаҳои кино дар мамлакатҳои Осиё баррасӣ мегарданд.
Ёдрас мешавем, ки ҷашнвораи «Дидор» соли 2004-ум таъсис ёфта, имсол даври шашуми он баргузор гардид.
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Имрӯз дар Тоҷикистон эҳтимол раъду барқ ба амал ояд
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
