Раиси шаҳри Душанбе ёвар меҷӯяд
Душанбе, 21.10.2014. (АМИТ «Ховар», Марҳабои Азамат). – Дар мақомоти иҷроияи ҳокимияти давлатии шаҳри Душанбе озмуни қаблан эълоншуда барои таъйинот ба ҷойи холии вазифаи ёвари раиси пойтахт М.Убайдуллоев, ки то 10 ноябри соли равон идома меёбад, давом дорад.
Дар хабари сомонаи расмии шаҳрдории Душанбе гуфта мешавад, ки барои ишғол намудани вазифаҳои роҳбари шуъбаи саноат ва энергетика, сармутахассисони шуъбаи кадрҳо, рушди иҷтимоӣ ва равобити ҷамъиятӣ, нақлиёт, хадамоти роҳҳо, шуъбаи коммуналӣ, мутахассисони пешбурди шуъбаҳои ташкилӣ ва сохтмони дастгоҳи раиси шаҳри Душанбе ва бархе мутахассисони дигари сохторҳои мухталифи мақомоти иҷроияи ҳокимияти давлатӣ низ озмун эълон шудааст.
Назар ба хабари сомонаи раёсати пойтахт, натиҷаи озмун на дертар аз 13 ноябр эълон мешавад.