Риояи қонун-кафили зиндагии шоиста

 
   Душанбе, 21.10.2014 (АМИТ «Ховар»).- Имрӯз дар муассисаи таълимии №3-и шаҳри Чкалов тибқи нақшаи муштараки масъулини бахш оид ба корҳои дин, танзими анъана ва ҷашну маросимҳои миллии мақомоти иҷроияи ҳокимияти давлатии шаҳри Чкалов, прокуратураи шаҳр ва  шуъбаи Вазорати корҳои дохилии ҶТ дар шаҳри Чкалов бо аҳолии маҳаллаҳои “Ғалаба” ва “Бӯстон” дар мавзӯи     “Риояи қонун-кафили зиндаигии шоиста” вохӯрӣ баргузор гардид.   Мудири бахш оид ба корҳои дин-Мамнури МЭЛС аз Қонуни Ҷумҳурии Тоҷикистон “Дар бораи танзими анъана ва ҷашну маросимҳои миллӣ” ва дигар қонунҳои амалкунанда ёдовар гардида, моҳияти онҳоро ба саҳми иштирокдорон расонид.
Тавре ки зикр гардид, дар баробари қабули  қонунҳои мазкур ва сабукӣ  овардан ба мардум дар баргузории маъракаҳо ҳоло ҳам бархе аз шаҳрвандон дар баргузории маъракаҳо ба исрофкорӣ роҳ медиҳанд.
Зикр шуд, ки феълан дар кишвар беш аз 4 ҳазор масҷид мавҷуд буда, шумораи зоирон  марзи 200 ҳазорро убур намудааст.
Бекмурод Самиев, имомхатиби масҷиди ҷомеи шаҳр  аз фирефташавӣ ва гаравидани  бархе аз шаҳрвандон ба ҳар  гуна ҳизбу ҳаракатҳои мамнуъ  изҳори таассуф намуда, ҳозиринро  ба расидан ба қадри тинҷиву  осоиштагӣ ва давлату давлатдорӣ  ҳидоят намуд.
Дар назар аст пагоҳ чунин мулоқот дар ҷамоати шаҳраки Палос бо аҳолӣ сурат гирифта, силсилаи мулоқотҳо дар маҳаллаҳои шаҳр то 3-юми ноябр доир шаванд.
Дар ин бора котиби матбуоти раиси шаҳри  Чкалов хабар дод.