Роҳи Бартанг васеъ мегардад
Хоруғ, 18.10.2014. (АМИТ «Ховар», Файз Мирасан).- Баҳри татбиқи қарори Ҳукумати Ҷумҳурии Тоҷикистон дар бораи нақшаи чорабиниҳо оид ба рушди иҷтимоиву иқтисодии водии Бартанги ноҳияи Рӯшони ВМКБ корҳои созандагӣ ва бунёдкорӣ ҷараён доранд. Ин барнома дуюми марти соли 2013 ба тасвиб расид ва ҳоло ба тадриҷ амалӣ мегардад.Барномаи мазкур аз 66 банд иборат буда, дар он барои инкишофи ҳамаи соҳаҳои хоҷагии халқи водии мазкур чораҳои зарурӣ пешбинӣ ва ба нақша дароварда шудаанд.Мутобиқи банди 23 ва 26-уми барномаи мазкур барои барқарорсозии роҳи мошингарди Рӯшон- Басид- Савноби водии Бартанг лоиҳаҳо мураттаб шуда, маблағҳо аллакай ҷалб гардидаанд.Дар айни ҳол лоиҳаи инвеститсионии таҷдид ва барқарорсозии роҳи мошингарди Рӯшон-Басид-Савноб бо арзиши 195 миллион доллари амрикоӣ ба масофаи 150 километр таҳия гардида, барои ворид намудан ба барномаи давлатии сармоягузорӣ грантҳо ва сохтмони асосӣ манзур шудааст. Дар айни ҳол барои васеъ ва ба меъёр мутобиқ намудани роҳҳои мошингарди ҳудуди водии Бартанг корҳо идома дошта, бо ин мақсад ба ин макон техникаи пуриқтидор интиқол дода шудааст.Дар қитъаҳои танг ва хатарноки роҳи Басид- Савноб ҳамчунин Асотсиатсияи истифодабарандагони роҳи мошингарди Рӯшон -Сарез саҳми арзишманд мегузорад.Ҳамчунин аз рӯи татбиқи муқаррароти банди якуми барномаи рушди Бартанг дар ҳамаи деҳаҳои ин водӣ ҳамагӣ ба масоҳати 260 гектар заминҳои нав аз худ карда мешаванд ва ба гардиши кишоварзӣ ворид мегарданд.Ҷиҳати татбиқи банди аввали барномаи рушди Бартанг оид ба азхудкунии заминҳои нав Агентии беҳдошти замин ва обёрӣ дар соли ҷорӣ 300 ҳазор сомонӣ маблағ пешбинӣ намудааст.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






