Сабабҳои афзоиши сӯхтор кадомҳоянд?

Кӯлоб 25.10.2014. (АМИТ «Ховар», Сулаймони Хол).- Бино ба иттилои сардори қисми мустақили 33-юми ҳарбикунонидашудаи Хадамоти давлатии оташнишонии шаҳри Кӯлоб Саймуросир Раҳматов дар давоми 9 моҳи сипаришуда дар миқиёси шаҳру ноҳияи Кӯлоб 30 ҳодисаи сӯхтор ба қайд гирифта шуд, ки зарари умумии он 3 миллиону 878 ҳазору 866 сомониро дар бар мегирад.Ҳодисаи сӯхтор нисбат ба ҳамин давраи соли гузашта 9 адад зиёд гардида, маблағи зарар 3 миллиону 841 ҳазору 941 сомонӣ зиёд мебошад.Ба гуфтаи манбаъ сабаби асосии сар задани сухторҳо аз ҳисоби вайрон кардани қоидаҳои васлкунии таҷҳизоти барқӣ, қасдан оташ задан, оташбозии кӯдакон, бееҳтётӣ аз оташ ва ғайраҳо маҳсуб меёбад.Дар натиҷаи андешидани чораҳои фаврӣ ва сари вақт хомуш намудани сӯхторҳо, молу амволи шаҳрвандон ба маблағи 98 434 000 сомонӣ наҷот дода шудааст.