Сабти асноди шаҳрвандӣ дар Кӯлоб

Кӯлоб, 28.10.2014. (АМИТ «Ховар», Сулаймон  Холов). — Кормандони  бахши  Сабти  асноди ҳолати   шаҳрвандии  шаҳри  Кӯлоб дар  асоси  муроҷиати   шаҳрвандон   дар  давоми  9  моҳи   соли  ҷорӣ  дар  ҳамкорӣ бо  ҷамоатҳои   деҳот  11 ҳазору 582  сабти   асноди ҳолати   шаҳрвандиро   ба  қайд  гирифтанд.
Ба  қавли   мудири  бахши  мазкур   Зинат  Сафарова   дар  ин  давом  кормандони  бахш  аз ҳисоби   боҷи   шаҳодатномаҳои   такрорӣ,  ворид  намудани   ислоҳ, тағйирот ва  иловаҳо   бақайдгирии  нафарони  аз 16  сола  боло,  бекор  кардани  ақди  никоҳ ва иваз  намудани  ному  насаб  ба буҷаи  маҳаллӣ  152 ҳазору 787   сомонӣ  ворид  намуданд, ки   нисбат ба  ҳамин   давраи соли гузашта 29 ҳазору 44  сомонӣ  зиёд  мебошад. 
Инчунин  дар ҳар  се моҳ  мутобиқи   нақшаи  чорабиниҳои   тартибдодаи бахш  маҳфили «Оилаи  ҷавон» роҳандозӣ  мегардад, ки  дар  маҳфил   аксари  навхонадорон  ба тариқи  ройгон  соҳиби  шаҳодатномаи  ақди  никоҳ  мегарданд.