“Садоқат” ва “Ормон” ба сармо устуворанд

Душанбе, 20.10.2014. (АМИТ “Ховар”, Ситораи Боймурод).- Тибқи иттилои Академияи илмҳои кишоварзии Ҷумҳурии Тоҷикистон дар қитъаҳои таҷрибавии ноҳияи Рӯшон дар баландии 1800 м ва ноҳияи Ишкошим дар баландии 2600 м 8 навъи картошкаи селексионӣ кишт  шуд. Мушоҳидаҳои фенологӣ нишон доданд, ки муҳлати сабзиши картошка дар баландии 2600 м нисбат ба баландии 1800 м 3-4 рӯз дертар мебошад. Навъҳои картошкаи “Аладин” ва “Red-one” ба касалию зараррасонҳо нисбат ба дигар навъҳо тобовар мебошанд.
Инчунин омӯзиши фенологии 10 навъи зироати ғалладонагӣ, ки тирамоҳи соли 2013 дар ду давра кишт гардиданд, аз он далолат медиҳад, ки навъҳои “Садоқат”, “Ватан” ва “Ормон” нисбат ба дигар навъҳо ба сармо устувор мебошанд. Ҳосилнокии навъҳои омӯхташуда 24- 38га- ро ташкил медиҳад.
Навъҳои “Ватан” ва “Наврӯз” дар давраи кишти якум дорои ҳосилнокии баланд аз 38 га нисбат ба дигар навъҳо буда ҳосилнокии навъҳо дар давраи кишти дуюм 35 ва 34 гектарро ташкил дод.