Саршумори қутосҳои Камол ба 300 сар расид

Хоруғ, 20.10.2014. (АМИТ «Ховар», Файз Мирасан).-Ноҳияи Мурғоб макони аслии парвариши қутос ба шумор меравад. Сокинони ин минтақаи баландкӯҳ ҷиҳати парвариши ин зоти чорво, афзоиши саршумор ва баланд бардоштани маҳсулнокии он таҷрибаи зиёд касб намудаанд.
 Инро метавон аз фаъолияти оилаи Камол Сафаров мисол овард, ки рӯзгорашро бо рушди соҳа беҳтар гардондааст.
      Аз рӯи маълумотҳои раёсати кишоварзии ВМКБ дар айни  ҳол дар тамоми шаклҳои хоҷагидории вилоят 24 ҳазору 292 сар қутос парвариш меёбад, ки 19 ҳазору  662 сари он ба ноҳияи Мурғоб рост меояд. Қисмати зиёди саршумори қутосҳо хусусӣ буда, фақат 6 ҳазор сар ба хоҷагиҳои давлатӣ тааллуқ дорад. Дар хоҷагии Камол Сафаров 300 сар қутос ва 1500 сар моли майда парвариш меёбад.
Хоҷагии мазкур имконият дорад, ки аз шири қутос қаймоқ, равған ва қурут тайёр намояд.