Семинари журналистон аз рӯи масоили ВНМО

Душанбе, 30.10.2014. (АМИТ «Ховар», Марҳабои Азамат). — Имрӯз, 30 октябр, дар шаҳри Душанбе семинари журналистони васоити ахбори оммаи пойтахт дар мавзӯи «ВНМО (вируси норасоии масунияти одам): аҳамияти инъикоси холисона, дақиқ ва аз нигоҳи сиёсӣ қобили қабул» баргузор мегардад. Дар ин бора мутахассиси Лоиҳаи муштараки СММ оид ба ҳимоя дар бахши БПНМ (бемории пайдошудаи норасоии масуният) дар Тоҷикистон Бахтиёр Мирзоев ба АМИТ «Ховар» хабар дод. Ба гуфтаи Бахтиёр Мирзоев, «риоя ва ҳифзи ҳуқуқу озодиҳои инсон чун пештара асоси муборизаи зидди вируси норасоии масунияти одамро ташкил медиҳад. Дар робита бо ин, ба иштирокдорони семинар аз рӯи масоили ин беморӣ гузориш дода мешавад».