Шӯрообод: Тақвияти хизматрасонӣ бо кортҳои пластикӣ

Шӯрообод, 25.10.2.014. (АМИТ» Ховар», Сулаймони Хол).-Шуъбаи кор бо кортҳои пластикии ҶСК «Тоҷиксодиротбонк» бо мақсади иҷрои дастуру супоришҳои Президенти мамлакат оид ба такмили низоми идораи молиявӣ, ҷорӣ намудани техналогияи муосир дар ин самт ва пешгирии ҳолатҳои коррупсионӣ гузариш ва ҳисобаробаркунии ғайринақдӣ, хусусан ҷорӣ намудани кортҳои пардохтӣ дар ноҳияи Шӯрообод корҳои назаррасро анҷом дода истодааст.Бино ба иттилои директори филиали ҶСК «Тоҷиксодиротбонк»-и ноҳияи Шӯрообод Қиматшо Содиқов дар ин давра ба филиал як банкомат ва 2 постерминал ворид карда шудааст, ки мизоҷон метавонанд ба воситаи ин таҷҳизотҳо маош ва маблағҳои интиқолиро сари вақт дастрас намоянд. Таҷҳизотҳои мазкур то имрӯз ба шаш ташкилоту муассиса, аз ҷумла раёсати молия, шӯъбаи маориф, шуғли аҳолӣ, идораи коммуналӣ, ҷамоати шаҳрак, хадамоти оташнишонӣ, кӯдакистон ва мактабҳои таҳсилоти миёнаи умумӣ, ки беш аз 440 нафарро дар бар мегирад, хизмат мерасонанд. Инчунин масъулини филиал тасмим гирифтанд то моҳи декабри соли ҷорӣ ба 400 нафар шартнома баста хизмати бонкӣ расонананд.