Шариф Саид бо медали АБШ қадр шуд
Душанбе, 21.10.2014. (АМИТ «Ховар», Кристина Эрлих). – 19 октябр раиси Палатаи савдо ва саноати Ҷумҳурии Тоҷикистон Шариф Саид бо ноиби раиси иҷроия – директори генералии Ассамблеяи байналмилалии пойтахту шаҳрҳои калон (АБШ) Владимир Селиванов мулоқот анҷом дод. Дар ин бора аз маркази матбуоти ПСС ҶТ ба АМИТ «Ховар» хабар доданд.
Дар ҷараёни мулоқоти масоили рушди равобити байниминтақавию байналмилалӣ мавриди муҳокима қарор гирифта ва аҳамияти пойтахти Тоҷикистон шаҳри Душанбе, ки имсол ҷашнвораи худро таҷлил намуд, зикр гардид.
Владимир Селиванов бо қарори раёсати Ассамблеяи байналмилалии пойтахту шаҳрҳои калон медали ҷашнворавии ин созмони ҷаҳониро ба Шариф Саид «барои саҳми арзандааш ба рушди ҳамкории бисёрҷонибаи байни шаҳру минтақаҳо дар бахшҳои тиҷорату иқтисодиёт, илму техника, фарҳанг ва соҳаи иҷтимоӣ» супурд.