Тағйирот дар вазифаҳои КИВТ
Душанбе, 24.10.2014. (АМИТ «Ховар», Раъно Нусратуллозода).-Бо ибтикори шуъбаи робитаҳои байналмилалӣ ва шуъбаи корҳои илмӣ-тадқиқотии Донишкадаи молия ва иқтисоди Тоҷикистон (ДМИТ) дирӯз семинари омӯзишӣ дар мавзӯи «Истифодаи торнамои Китобхонаи илмии виртуалии Тоҷикистон» гузаронида шуд.
Бино ба иттилои котиби матбуоти донишкада Машҳура Абдуллоева, дар семинар муовини ректор оид ба робитаҳои байналмилалӣ Баҳром Сафаров иброз намуд, ки Донишкадаи молия ва иктисоди Тоҷикистон аз соли 2012 аъзои Китобхонаи илмии виртуалии Тоҷикистон (КИВТ) аст ва ин вохӯрии сеюми мо бо намояндаи ин муассисаи илмӣ мебошад. Имсол баъзе вазифаҳои КИВТ тағйир ёфтааст ва ҳадаф аз баргузории семинар ҳам ба истифодабарандагон фаҳмондани тағйиротҳо аст.
Ҳамоҳангсози Барномаи Китобхонаи илмии виртуалии Тоҷикистон Сокина Каримова дар бораи ин муассиса маълумоти мухтасар дода, қайд кард, ки КИВТ дорои 12,8 млн. мақолаҳои илмӣ аз байни бештар аз 16 ҳазору 500 маҷалла, аз қабили коллексияи пурраи маҷаллаҳо аз Директорияи маҷаллаҳои ройгон дастрасшаванда (DOAJ), OARE, AGORA ва HINARI дар Тоҷикистон мебошад. Мавсуф тариқи слайд чи тавр аз торнамои КИВТ истифода бурданро ба ҳозирин намоиш дод.
Зимни суханронии хеш директори Китобхонаи илмии донишкада Баҳоваддин Қодиров иброз дошт, ки донишкада дар қатори 174 муассисаву ташкилоти кишвар аъзои КИВТ буда, ба маълумоти он дастрасӣ дорад ва он бешак, барои пешбурди корҳои илмӣ-тадқиқотии устодону донишҷӯён кумак мерасонад.
Бояд иброз дошт, ки Китобхонаи илмии виртуалии Тоҷикистон (КИВТ) имкони дарёфти матнҳои пурраи мақолаҳои илмӣ дар соҳаҳои илму техника ва равиши гуманитариро фароҳам меоварад.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
