Таҳқиқот оид ба беҳтар намудани сифати пашм

Душанбе, 22.10.2014. (АМИТ “Ховар”, Ситораи Боймурод).- Тибқи иттилои Академияи илмҳои кишоварзии кишвар дар соҳаи бузпарварӣ таҳқиқот доир ба офаридани рамаҳои бузҳои ширдеҳ бо ворид намудан ва истифодаи маводи ирсии зотҳои бузи ширдеҳи зоаненӣ (аврупоӣ) ва зоти нубӯӣ (Афғонистон, Покистон) дар шароити Тоҷикистони Марказӣ дар хоҷагии деҳқонии “Ҳафизулло”-и ноҳияи Файзобод идома доранд.
Таҳқиқот оид ба беҳтар намудани сифати пашми бузҳо нишон доданд, ки афзоишдиҳии бузҳои пашмашон якранга, новобаста аз намуди ранг, ҳам аз ҷиҳати иқтисодӣ ва ҳам аз ҷиҳати селексионӣ самаранок мебошад. Тавсиянома оид ба инкишоф додани бузҳои ранги пашмашон гуногун дар хоҷагиҳои фермерӣ таҳия шудааст.