Вохӯрӣ бо мактабиён

Душанбе, 23.10.2014. (АМИТ «Ховар», Кристина Эрлих). – 21  октябр   кормандони Агентии назорати маводи  нашъаовари  назди  Президенти  ҶТ якҷоя бо намояндагони Кумитаи  кор  бо  занон ва  оилаи  назди Ҳукумати  ҶТ,  шуъбаи  маорифи  Ҳукумати   ноҳияҳои  Шоҳмансур ва Фирдавсии  пойтахт  бо  хонандагони  синфҳои болоии  мактаби  миёнаи  таҳсилоти  умумии  №40 ва волидайни онҳо,  ҳамчунин  сокинони  маҳаллаи  «Шодиёна» — и  шаҳри  Душанбе  вохӯрданд. Дар  ин  бора  аз хадамоти  матбуоти  Агентии  назорати  маводи  нашъаовар  ба  АМИТ «Ховар»  хабар  доданд.
Зимни  вохӯрӣ  масоили   нашъамандӣ,  зарар  ва  оқибатҳои  нохуши  истифодаи   маводи мухаддир  мавриди  муҳокима  қарор  гирифтанд.
Дар  ҷараёни  вохӯрӣ  ба  саволҳои  сершумори мактабиён  ва волидайни онҳо  посух  дода шуд.
Дар  анҷоми  вохӯрӣ  ба  ҳозирин варақаҳои  иттилоотӣ ва  китобҳои  махсус тақдим  шуданд.